O obxectivo do concurso é dar a coñecer a importancia de xestionar os montes de forma sostible, englobando os aspectos sociais, ambientais e económicos, da súa conservación e do seu aproveitamento, das persoas que viven, traballan e gozan deles, os traballos que se realizan, a cadea de subministración de materia prima nunha industria forestal moderna, innovadora e responsable, os procesos de transformación, os produtos con base forestal que empregamos no día a día, a multitude de usos da madeira…
A participación é gratuíta – Concurso cofinanciado por XERA, Axencia Galega da Industria Forestal
DATAS
O prazo de recepción de fotografías comeza ás 00.01 horas do 19 de agosto do 2022 e finalizará o 19 de outubro de 2022 ás 00.00 horas.
Os gañadores anunciaranse o 1 de novembro do 2022.
Os participantes só poderán presentar as súas fotografías a través da páxina: https://pr.easypromosapp.com/p/942265
Os participantes poderán enviar ata 5 imaxes. O concurso está aberto a todos aqueles interesados, desde fotógrafos profesionais, afeccionados, ata quen goza da natureza, do monte e dos seus produtos, e o ámbito das fotografías é Galicia.
PREMIOS
PRIMEIRO PREMIO:
Aloxamento de 2 noites para 2 persoas nas Cabaniñas do Bosque, situadas en Outes (A Coruña). www.cabanitasdelbosque.com
Por cortesía de DOARTESANATO, obterás un bono con validez de 1 ano para gozar dun aloxamento singular e pioneiro en Galicia. As Cabaniñas do Bosque, son cabanas de madeira completamente equipadas e construídas sobre a copa dunha árbore, de gran calidade arquitectónica, ecolóxicos e moi respectuosos coa paisaxe e o territorio onde se sitúan.
En 2020, Premios de Excelencia á Innovación para Mulleres Rurais; Primeiro premio: “Excelencia á innovación en diversificación da actividade económica no medio rural ou zonas costeiras rurais”, outorgado polo Ministerio de Agricultura, Pesca e Alimentación.
Premio nacional de Arquitectura 2020 outorgado polo Consello Superior dos Colexios de Arquitectos de España.
*Poderase gozar a reserva previa confirmación de dispoñibilidade e fóra de datas de tempada alta.
SEGUNDO PREMIO:
Conxunto de utensilios de cociña elaborados en madeira e acompañados do libro “El bosque en tu paladar. Sabores de bosques sostenibles” co asesoramento gastronómico da Chef Charo Val e editado por PEFC España. Por cortesía de ADERA (Severiano Artesanía).
TERCEIRO PREMIO:
Soporte para móbil por cortesía de ADERA (Severiano Artesanía) e USB con capacidade de 32GB, elaborados con madeira certificada PEFC.
PREMIO ESPECIAL CADEA MONTE-INDUSTRIA:
Multiaventura en Galipark. www.galipark.com
Media xornada para dúas persoas nun parque de aventura con máis de 24.000m2, con circuítos en altura, tirolinas, tiro con arco, e moitas máis. Un novo concepto de aventura que aproveita e respecta ao máximo os recursos naturais. Combina equilibrio, enxeño, forza, destreza e autocontrol nunha experiencia inesquecible.
Este premio especial é especifico para aquelas fotografías que representen os traballos que se executan nos montes e os seus procesos de transformación ao longo da cadea monte-industria para obter un produto final natural, renovable, reciclable e biodegradable. Só este tipo de fotografías poderán acceder ao premio especial, sen menoscabar o dereito de acceder a calquera dos outros premios.
O apoio da Axencia Galega da Industria Forestal para a elaboración desta publicación non implica a aceptación dos seus contidos, que serán responsabilidade exclusiva dos seus autores. Por tanto, a Axencia Galega da Industria Forestal non é responsable do uso que poida facerse da información aquí difundida.