As árbores proporcionan fibras celulósicas que podemos transformar en material téxtil. A cantidade de produtos que podemos fabricar a partir deste material natural é infinita; tecido non tecido (mascarillas, cueiros,..), téxtiles industriais (automoción, maquinaria, illantes..) téxtiles para o fogar… e tamén para o mundo da moda.

PEFC promove que as fibras a base de madeira utilizadas no sector téxtil procedan dun abastecemento responsable de montes xestionados de forma sostible.

O emprego de tecidos de orixe forestal é a alternativa a outro tipo de fibras como as sintéticas (derivadas del petróleo) e incluso ao algodón que no seu proceso de produción consome máis enerxía maior cantidade de auga.

PEFC Galicia, co obxectivo de promover o uso de tecidos procedentes de montes xestionados de forma sostible, achegouse aos futuros deseñadores de moda da EASD Mestre Mateo de Santiago de Compostela, para informar sobre a necesidade e a demanda dos consumidores de empregar materiais naturais, renovables, reciclables, biodegradables e procesos produtivos máis respectuosos co ambiente, que reduzan o consumo de auga e emisións de CO2 e asegurar unhas condicións sociais e de traballo digno.

Téxtil Santanderina S.A., primeiro produtor de tecidos certificados PEFC a nivel internacional, facilitou tecido PEFC ao alumnado para desenvolver os seus proxectos de deseño e moda.